ဟေ့ … လာဟေ့ အေးသီတာ။ မတွေ့ရတာလည်း ကြာပေါ့။ ဘာတွေ အလုပ်ရှုပ်နေတာလဲဟု မေးလိုက် လေ၏။
ထိုအခါ အေးသီတာက….
ဒီလိုဆရာရေ…။ ကျွန်မ ဆရာနဲ့ မတွေ့ရတဲ့ ဒီလေးငါးလလောက်အတွင်း ကျွန်မရဲ့အခြေအနေတွေ တော်တော်လေး ပြောင်းလဲသွားခဲ့တယ်။ အခု ကျွန်မ အိမ်ထောင်ကျသွားပြီ ဆရာရေ..ဟု ပြောလေ၏။
ထိုအခါ ကျွန်ုပ်က….
ဟ…တယ်ဟုတ်ပါလားအေးသီတာရဲ့။ ကဲ…နင့်ယောက်ျား အခြေအနေ ပြောပြစမ်းပါဦးဟု ကျွန်ုပ်က ပြောလိုက်ရာ အေးသီတာက..
အင်း… ကျွန်မယောက်ျားအကြောင်းပြောရရင်တော့ ကျွန်မယောက်ျားက အရက်သောက်ဘို့ မပြောနဲ့ ဆေးလိပ်တွေ ကွမ်းတွေတောင် မစားတတ်ဘူး။ လောင်းကစားလည်း လုံး၀၀ါသနာမပါဘူး။ မိန်းမဆိုရင်လည်း ကျွန်မကလွဲရင် ကျန်တဲ့မိန်မ ဖွဲနဲ့ဇကွဲပဲ။ ယောင်လို့တောင်လှည့်မကြည့်ဘူးဟုပြောလေ၏။
ထိုအခါ ကျွန်ုပ်က….
လင်ရ ကံကောင်းလှချဉ်လားဟဲ့။ အမလေး အဲဒီလိုလင်မျိုး လိုချင်လို့ လိုက်ရှာမယ်ဆိုရင်တော့ ထမင်းထုပ် သိုးသွားမယ်။ တွေ့မှာတော့ မဟုတ်ဘူးဟု ကျွန်ုပ်က ပြောလိုက်လေရာ အေးသီတာက…
ကျွန်မယောက်ျားက မကောင်းတာဆို ဘာတစ်ခုမှ မလုပ်တတ်ဘူး။ အဲဒီလိုပဲ ကောင်းတာလည်း ဘာတစ်ခုမှ ကို မလုပ်ဘူးဆရာရေဟု ပြန်ပြောလိုက်လေ၏။
သေသေချာချာ ပြောစမ်းပါဦး အေးသီတာရဲ့ဟု ကျွန်ုပ်ကပြောလိုက်သောကြောင့် အေးသီတာသည် သူ၏ ချစ်လှစွာသော လင်ယောက်ျား အကြောင်းကို အောက်ပါအတိုင်း ပြောပြလေတော့၏။
ဒီလို ဆရာရေ။ ကျွန်မအမျိုးသားနာမည်က ကိုမင်းမောင်တဲ့။ သူက တော်တော်လေး ရိုးသားပါတယ်။ အစောက ကျွန်မပြောသလို မကောင်းတာ ဘာတစ်ခုမှ မလုပ်တတ်ရှာပါဘူး။ ကျွန်မအပေါ်လည်း အတော် ကောင်းရှာပါတယ်။ ဒါပေမယ့်ဆရာရယ် သူက အလုပ်တော်တော်ပျင်းတယ်။ တလမှာ ၁၀-ရက်လောက် အလုပ် နားတယ်။ အလုပ်မှာ နဲနဲလေးပင်ပန်းလာပြီဆိုရင် နားတော့တာပဲ။ အခု အလုပ်ပြောင်းတာလည်း ဘယ်နှစ်ခုရှိပြီလဲ။
အခုလည်း အိမ်ထောင်ကျတာ ဘယ်နှစ်လမှ မရှိသေးဘူး။ ထိုင်စားနေတာ ဘယ်နှစ်လရှိပြီလဲ။ ကျွန်မတစ် ယောက်ထဲ လုပ်နေရတာ အဆင်မပြေဘူး ဆရာရေ။ အလုပ်လုပ်ပါဆိုတော့ နေ့ရွေ့ ညရွေ့နဲ့။ အဲဒါဆရာရေ။ ကျွန်မယောက်ျားကို မပျင်းအောင် အလုပ်ကြိုးစား ချင်စိတ်ပေါက်အောင် တစ်ခုခု လုပ်ပေးပါဆရာရယ်ဟု ပြောလေ၏။
ထို့ကြောင့် ကျွန်ုပ်လည်း အလုပ်ပျင်းသော အေးသီတာ၏ လင်တော်မောင်အတွက် အသင့် စီမံထားသော ဆေးဖယောင်းများကို ကြိုချက်၍ အောက်တွင်ဖော်ပြထားသော အင်းစမတော်ကြီးဖြင့် အင်းဖယောင်းတိုင် များပြုလုပ်၍ ပေးလိုက်လေ၏။
ထိုနေ့မှစ၍ ကိုမင်းမောင်ဆိုသူသည် အလုပ်မလုပ်ရလျှင် မနေနိုင်သောကြောင့် မရှိရှိတာရှာဖွေ၍ လုပ်နေ တော့သည်ဟူ၏။
ချစ်လှစွာသော မိတ်ဆွေများခင်ဗျား….
သင်တို့၏ မိသားစုများထဲတွင် တစ်စုံတစ်ယောက်သည် အလုပ်ပျင်း သည်ဆိုပါက အထက်တွင် ဖော်ပြထား သော အင်းစမတော်ကို မိတ္တူကူးယူ၍ ဖယောင်းတိုင်တွင်ပတ်ကာ မီးထွန်း ဆုတောင်းနိုင်ပါကြောင်း။
0 comments:
Post a Comment