မဟာဘုတ်နှင့် ရတနာသေတ္တာ လုပ်နည်းပါ။ အရမ်း စိတ်ဝင်စားဖို့ ကောင်းပါ တယ်။ အရမ်းလည်း ကောင်းပါတယ်။ လူတိုင်းလည်း လုပ်ထားသင့်ပါတယ်။ ကျွန်တော်တို့ မဟာဘုတ်ပညာမှာ ဌာနအားဖြင့် (၇)ဌာန ရှိတယ်။ အောက်မှာ ပုတိရယ် ဘင်္ဂရယ် မရဏရယ် အပေါ်မှာက အထွန်းရယ် သိုက်ရယ် ရာဇရယ် အဓိပတိရယ် ဆိုပြီး နေရာ (၇)ဌာနရှိတယ်။ အဲဒီ (၇)ဌာနမှာက သူ့နေရာနှင့် သူ အဓိပ္ပါယ်တွေ ရှိနေတယ်။အဲဒီ (၇)ဌာနထဲမှာ အရမ်း စိတ်ဝင်စားစရာ ကောင်းတဲ့ နေရာ တစ်ခု ရှိတယ်။ အလယ်က သိုက်ဆိုတဲ့ နေရာလေးပဲ။ သိုက်ဆိုတဲ့ သဘောက လုံခြုံတဲ့ ၊ စေ့စပ်တဲ့ အကာအကွယ် ဖြစ်စေတဲ့ သဘောရှိတယ်။ ပုံလေးကို ကြည့်လိုက်ပါလား။ သူက ဒီပြင့် နေရာတွေနဲ့ မတူဘူးလေ။ အလယ်မှာ သူ့ကို လေးဘက်လေးတန် ကာရံထားတယ်။ သူ့နေရာကလေးက ဘယ်လောက် လုံခြုံနေသလဲ။
အခု ကျွန်တော်တို့ ဘ၀မှာ ကိုယ်တိုင်ကြိုးစားရှာဖွေလို့ ရရှိထားတဲ့ ပစ္စည်း ဥစ္စာ ဓနငွေကြေးတွေကို လုံလုံခြုံခြုံ ဖြစ်အောင် သိမ်းဆည်းထားဖို့ အတွက် ဂမ္ဘီရနည်းနဲ့ သေတ္တာလေး တစ်လုံးလောက် စီရင်ထားရင် ကောင်းမယ်။ အဲဒီသေတ္တာလေးထဲကို မိမိနေ့စဉ် လစဉ် ၀င်သမျှ ငွေကြေးတွေကို ထည့်ထားပေါ့။ သေတ္တာလေး ကိုတော့ ရတနာသေတ္တာ ဆိုတဲ့အတိုင်း ရွှေချထားတာ ကောင်းတယ်။ တတ်နိုင်တဲ့ လူတွေကတော့ ကျောက်တွေ ဘာတွေ စီထားလို့ရတာပေါ့။
အဲဒီသေတ္တာပေါ်မှာတော့ (ဟိန်းတင့်ဇော်၏ ရတနာသေတ္တာ) ဒါက ဥပမာ ပြောတာနော်။ ကိုယ့်နာမည်နဲ့ ရေးပေါ့။ အထဲမှာတော့ အောက်ခံအဖြစ် ကတ္တီပါစတွေ ပိုးအစတွေကို အခံအဖြစ် ထည့်လို့ရပါတယ်။ နေ့စဉ် ရေမွှေးတွေ ဘာတွေ ဆွတ်ဖြန်းပေးပါ။ အပြင်ဘက်မှာတော့ ရွှေရောင် သော့ခလောက်လေး ခပ်ထားရမယ်။
တစ်ချို့ ပုတီးစိပ်တာတွေ ဘာတွေ ၀ါသနာပါတဲ့လူတွေကတော့ ကိုယ့်ရဲ့ ရတနာသေတ္တာလေးကို ရှေ့မှာ ချပြီး ပုတီးစိပ်လို့ ရပါတယ်။ အမွှေတိုင်တွေ ထွန်းချင်ရင်လည်း ထွန်းလို့ ရပါတယ်။ အရေးကြီးတာက ကိုယ်ဆီကို အကြောင်းအမျိုးမျိုးနဲ့ ၀င်ရောက်လာတဲ့ ငွေတွေကို အဲဒီသေတ္တာထဲကို အရင်ထည့်ရမယ်။ သေတ္တာလေး ပြည့်လျှံလာလို့ တစ်နေရာမှာ သိမ်းထားချင်တယ်ဆိုရင်တော့ သိမ်းထားလို့ရပါတယ်။
ကဲ... ကိုယ်ရဲ့ မဟာဘုတ်ကို ချပါ။ သိုက်ဆိုတဲ့ နေရာမှာ ဘာရှိလဲ။ တနင်္ဂနွေလား ၊ တနလာင်္ရှိနေသလားပေါ့။ အဲဒီမှာ ရှိတဲ့ နေနံ အသားနဲ့ သေတ္တာလုပ်ပါ။
မဟာဘုတ်တွက်တဲ့နည်းကို ဒီနေရာလေးမှာ အပြည့်အစုံ တင်ထားပေးပါတယ်ဗျာ.
0 comments:
Post a Comment